النتائج 1 إلى 8 من 8

الموضوع: حكم وأمثال ومقولات هذا الزمان

  1. #1
    عضو جديد
    تاريخ التسجيل
    Jun 2021
    المشاركات
    51

    افتراضي حكم وأمثال ومقولات هذا الزمان

    حكم وأمثال ومقولات هذا الزمان
    هذا بعض من إبداعات البشر حكم جديدة وأمثال جديدة ومقولات مأثورة جديدة تعبر عن أختلاف الزمان كل وقت ولة أدان وحكم وأمثال ومقولات لم تكن موجودة من قبل لم أفهم معنى بعضها ياريت اللى يشارك بحكمة أو مثل أو مقولة يكتب معناها شرح اللى مكتوب حسب فهمى أنا وقد يكون خطأ أرجوا منكم المشاركة وشكرا لكم جميعا

    ® الموظفين فى دول العالم التالت ( الدول البامية ) عاملين زى الحيوان المنوى مليون فى حجرة وواحد بس اللى شغال
    المعنى واضح الموظفين كسالة

    ® التاكسى لو لف بيك لفتين هياخد منك أجرتين
    المعنى واضح مغالاة فى الحساب

    ® كان زمان النصاحة بتتعلم ألوقتى الناصحين بتتألم
    لا أعرف المعنى

    ® الأحلام حلوة عشان كدة الناس بتصحى متأخر
    المعنى واضح يضيع العمر فى أحلام اليقظة

    ® كل شيئ بيروح إلا الهم
    المعنى واضح البنى أدم مهموم دائما

    ® اللى لية عنين عايش واللى ملوش عنين مش عايش
    المعنى واضح نعمة البصر

    ® تصاحب كلب يصاحبك ويبقالك من المخلصين وتمد إيديك لحد يرجعولك معضوضين أعمل إية فى دنيا كلابها البنى أدمين
    المعنى واضح عدم الوفاء والأخلاص

    ® كل نهار ولية ليل مهما كان النهار طويل
    المعنى واضح الأيام دول

    ® كلة باع وأشترى فينا إلا الخيال حن علينا
    المعنى واضح هروب من الواقع بأحلام اليقظة

    ® عاشرناهم بالمعروف والرضا طلعت العشرة فضى
    المعنى واضح مطرمتش فيهم العشرة

    ® راضى مش راضى كلة فى الفاضى
    المعنى واضح القدر والنصيب

    ® طبع الست الخيانة وطبع الراجل الأمانة
    لا أعرف المعنى

    ® الوطن ليس هو رئيس الدولة
    رئيس الدولة ليس هو الوطن
    المعنى واضح رئيس الدولة موظف

    ® الدين والسياسة وجهين لعملة واحدة
    المعنى واضح السلطة

    ® زمن الفهلوة إنتهى
    لا أعرف المعنى

    ® العيشة حظوظ مش شطارة
    لا أعرف المعنى

    ® متحاولش كتير أول محاولة وطير
    المعنى واضح لا تجهد نفسك

    ® يا واقف مستنى أقعد سقف وغنى
    المعنى واضح سلى نفسك

    ® لو عايز تكون فى البال إنسى اللى ناسيك فى الحال
    المعنى واضح المعاملة بالمثل

    ® العمر أطول من السكة
    لا أعرف المعنى

    ® صبرنا كتير من غير فرج الصبر عايز مشترك
    لا أعرف المعنى

    ® الفرح عندنا ملوش مكان زى الفوار فى الفنجان
    المعنى واضح الهموم أكثر من الفرح

    ® الكمبيوتر من غير نت زى الراجل من غير ست
    لا أعرف المعنى

    ® الشجاعة شيئ من الخوف
    لا أعرف المعنى

    ® ربانهم وقولنا هينفعونا لما إحتجناهم طنشونا
    المعنى واضح لم يصونو العشرة

    ® كل شيئ بيجى مفيش شيئ مبيجيش بس كلة بيروح ويفضل مفيش
    المعنى واضح كل شيئ مصيرة الزوال

    ® الحكمة كلام مظبوط بياخد وقتة ويموت
    المعنى واضح كل جيل ولة كلامة وأفكارة

    ® أقلب القدرة على فومها الفول يقع منها
    لا أعرف المعنى

    ® ياخبر إنهاردة بفلوس بكرة ينزل علية أوكازيون
    لا أعرف المعنى

    ® اللى ياكل لوحدة يشبع
    المعنى واضح النصاحة

    ® اللى يخاف من العفريت يعمل عبيط
    لا أعرف المعنى

    ® هنبهيص البهايص ونوزع نصايص
    المعنى واضح هنقسم ونوزع بالنص

    ® حبة شطة خليها تولع
    المعنى واضح حط البنزين جنب النار

    ® اللى يزعلك كرشة
    لا أعرف المعنى

    ® أهرشة يطلع بالمسائل
    لا أعرف المعنى

    ® اللى مبيحسوش بينا ميتحسبوش علينا
    المعنى واضح إذا لم يساعدنا المقربون فلا داعى لوجودهم

    ® زفلط الزفاليط خلية يجيب غويط
    المعنى واضح تخليص مصالح بهدية

    ® أرميلة عضمة دا كلب
    لا أعرف المعنى

    ® اللى معاة قرش محيرة يجيب حمام ويحمرة
    لا أعرف المعنى

    ® أخرس مبيتكلمش وبيسمع مبيتعلمش
    لا أعرف المعنى

    ® القرش الأبيض بيعوم فى البحر الأحمر
    لا أعرف المعنى

    ® كانوا فاكرينا مين على الشقاوة مأسسين
    لا أعرف المعنى

    ® متتأنزحش علينا لحسن نديك باللى فى رجلينا
    المعنى واضح عدم التعالى والغطرسة

    ® كلة فى الطراوة
    لا أعرف المعنى

    ® الخسيس قال للأصيل تعالى أشتغل عندنا كلاف تاكل وتشرب وتبقى من سائر الكلاف قالة الأصيل وحياة أمك دا البهايم اللى عندنا أصناف واللى بتحلب دى تبقى أمك وأنا مستعنيش أشغلك عندنا كلاف
    لا أعرف المعنى

  2. #2
    عضو جديد
    تاريخ التسجيل
    Jun 2021
    المشاركات
    51

    افتراضي

    ® اللى نص يومة نوم عمرة كلة هموم
    المعنى واضح الكسل يورث الفقر

    ® إخلص من اليوم بالنوم
    المعنى واضح هروب من الواقع

    ® البخت لو مال إنسى الأمال
    المعنى واضح خلاص متحاولش

    ® ياخد إية الفقر منا
    المعنى واضح الفقير لو أفتقر هيبقى إية فقير برضة

    ® الصحة لما تروح مداويش جروح
    المعنى واضح وفر فلوسك

    ® الدكتور العيان مبيرحلوش مرضى
    المعنى واضح كان داوى نفسة

    ® الصنعة أحسن من الوظيفة قلب صافى وإيد نضيفة
    لا أعرف المعنى

    ® اللى شبة بعضة بيتعبى فى شوال واحد
    المعنى واضح الناس بتصاحب اللى شبهم

    ® إبنى فى السراب أحسن ماتبنى فى الخراب
    لا أعرف المعنى

    ® اللى شد حيلة زهق من شيلة
    لا أعرف المعنى

    ® حلو الصبر بس أخرة القبر
    لا أعرف المعنى

    ® اللى ملوش نهاية ملوش بداية
    المعنى واضح اللى لية بداية أكيد لية نهاية الصبر

    ® الصدف أرزاق
    لا أعرف المعنى

    ® الناس الكريمة دايما لئيمة
    المعنى واضح عايزين أى شيئ منك

  3. #3
    عضو جديد
    تاريخ التسجيل
    Jun 2021
    المشاركات
    51

    افتراضي

    ® اللى ميعرفش يقول عطس
    لا أعرف المعنى كانت زمان عدس

    ® من عاش بالعرض مات بالمرض
    لا أعرف المعنى

    ® كل قلب ولة ودان
    المعنى واضح مش نفس الكلام ينفع مع أى حد

    ® إيش ياخد الزير من البلاص
    لا أعرف المعنى

    ® بياكل حاف ويستغطى بلحاف
    المعنى واضح شخص بخيل

    ® عيش طرطور تموت مستور
    المعنى واضح لا داعى لإستخدام مهاراتك

  4. #4
    عضو جديد
    تاريخ التسجيل
    Jun 2021
    المشاركات
    51

    افتراضي

    ® رمينا الشبك طلع فاضى
    المعنى واضح قلة حظ

    ® تجيب الفاضى تملاة يدلق اللى جواة
    المعنى واضح ودن من طين وودن من عجين

    ® الحظ لا بينباع ولا بينشرى
    المعنى واضح يافية يامفيش

    ® اللى نبات فية نصبح فية
    لا أعرف المعنى

    ® الولهان والنعسان أخوات
    لا أعرف المعنى

    ® اللى تشترية بقرش بكرة يبيعك بقرشين
    المعنى واضح الخسة والندالة

    ® عالم الأحلام عالم مزيف
    المعنى واضح الناس فى وسائل التواصل الأجتماعى

  5. #5
    عضو جديد
    تاريخ التسجيل
    Jun 2021
    المشاركات
    51

    افتراضي

    ® لا تجادل الأحمق حتى يستطيع الناس التفريق بينكما
    المعنى واضح لا تكن أحمق

    ® الحساب محذوف لوجة الله
    لا أعرف المعنى مقولة تكتب فى حسابات التواصل الأجتماعى


    https://youtu.be/lxao2mReAz4

  6. #6
    عضو جديد
    تاريخ التسجيل
    Jun 2021
    المشاركات
    51

    افتراضي

    ® الخسيس قال للأصيل تعالى أشتغل عندنا كلاف تاكل وتشرب وتبقى من سائر الكلاف قالة الأصيل وحياة أمك دا البهايم اللى عندنا أصناف واللى بتحلب دى تبقى أمك وأنا مستعنيش أشغلك عندنا كلاف
    عرفت المعنى الحقير

  7. #7
    عضو جديد
    تاريخ التسجيل
    Jun 2021
    المشاركات
    51

    افتراضي

    ® مش غرور بس اللى يزعلنى يغور
    المعنى واضح الثقة بالنفس

  8. #8
    عضو جديد
    تاريخ التسجيل
    Jun 2021
    المشاركات
    51

    افتراضي

    ® إتاخر وهات م الأخر
    المعنى واضح إنجز

العلامات المرجعية

العلامات المرجعية

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •