الموضوع المخصص للأسئلة البرمجية mql4

[sabil]

عايز دالة ادارة راس مال التناسبية بالشروط الاتية
نقسم الرصيد على 100 والناتج هنقسمه على عدد النقاط الناتجة من طرح اللو من الهاي للشمعة السابقة والناتج يكون اللوت المستخدم في الصفقة

مثال :
لو الرصيد 5000 دولار هنقسم الرصيد ده على 100 الناتج هيكون 50 دولار
هنفترض المسافة بين الهاي واللو للشمعة السابقة 25 نقطة
اذن هنقسم 50 دولار على 25 نقطة والناتج هيكون 2

اذن حجم اللوت نهائي للصفقة هيكون 2 دولار

وصلت ؟

[kira-h]

ماذا تقصد بحجم اللوت 2 دولار !

[sabil]

يعني اللوت هيبقى متغير ومتوقف على حسب استوب الصفقة بناءاً على المعادلة فوق
والاستوب هنا هيكون سعر هاي الشمعة السابقة في حالة البيع
او اللو في حالة الشراء

2 دولار كان مجرد مثال

[kira-h]

اعط مثال تطبيقي بالارقام فتكون النتيجة عبارة حجم عن عقد الصفقة

[sabil]

بص ياسيدي
هنحدد حجم اللوت بناءاً على معادلتين
عندنا معادلة ثابتة ومعادلة متغيرة
المعادلة الثابتة هي اننا هنقسم راس المال وده هنعمله متغير خارجي على رقم معين وليكن 100 وده بردو هعمله متغير خارجي للتحكم وتغيير الرقم
هنقسم الناتج الحاصل من هذه المعادلة الثابتة على الناتج في المعادلة المتغيرة

المعادلة المتغيرة هي اختلاف عدد نقاط الاستوب في كل صفقة
يعني عدد نقاط الاستوب = فرق النقاط بين سعر الدخول وسعر الاستوب لوز

اذن النتيجة النهائية لحجم عقد الصفقة = راس المال ولنفترض 5000 دولار هنقسمه على رقم عشوائي وليكن 100 اذن الناتج 50
ثم ...
ثم نقسم 50 على فرق النقاط بين سعر دخول الصفقة والاستوب لوز
ولنفترض ان فرق النقاط 25
اذن حجم اللوت او العقد النهائي للصفقة = 50 / 25 نقطة = 2 دولار حجم عقد الصفقة

[kira-h]

نفس الاشكال
لا يوجد حجم العقد 2 دولار !
حدد لي حجم العقد الذي ستفتح به الصفقة ومعادلته
مثلا 0.01 أو 0.2 ...

[sabil]

هههههه
بص الـ 50 دولار دي الناتجة من قسمة 5000 دولار على الرقم 100
دا مبلغ الخسارة في الصفقة الواحدة
يعني كل صفقة هندخلها هنحددلها خسارة 50 دولار فقط يعني لو دخلنا 100 صفقة خاسرة ورا بعض الحساب يمرجن
والرقم 100 ده هو عدد الصفقات الخسرانة

طيب انا عايز ادخل صفقة استوبها 25 نقطة وانا محدد الخسارة بتاعتي عموما 50 دولار لكل صفقة
يبقى علشان اخسر 50 دولار في الصفقة دي هحتاج اضرب 25 نقطة في كام ؟
طبعاً 2 دولار
-50 دولار = 2 دولار × 25 نقطة

في النهاية حجم العقد في الصفقة هيكون شكله ايه ؟

هيكون كده 0.2
يعني 2 دولار

وطبعاً اللوت هيتغير حسب الاستوب

يارب تكون وصلت