ورشه لبرمجه اكسبرت و الوصول لافضل النتائج ...
السلام عليكم
▪مقدمه
اكتشفت موخرا اكسبرت روسى اسمه zz-h1 و عجبتنى الفكرة انه بيعتمد على الاسكابلينج و لكن كثرة الصفقات الخاسرة هى الغالبه فى الاكسبرت و انه لن يوجد اكسبرت مجانى مربح ... فيجب الاعتماد على نفسك و تصميم فكرة جديدة تقدر تجارى بيها السعر
عالم الفوركس كبير و يوجد به ملايين من الاستراتيجيات و لكن كلها لا تصلح للمتاجرة بها على المدى البعيد .. فإن كان المكسب مرة فتكون الخسارة كذلك فى حين انك تبذل مجهود للمتابعه و الصبر و لكن فى الاخر الشارت يغلبك و تخرج على خسارة
ان شاء الله افتح الموضوع دة يكون ناجح و اتمنى من الناس الاهتمام و اللى عندة جديد بخصوص الفكرة المطروحه يعرضها و ندرسها و ان شاء الله نوصل لأفضل النتايج
افضل الاستراتيجيات كانت الدعوم و المقاومات .. حيث ان السعر يحترم هذة المناطق و مهما عكس من نقطه الدعم او المقاومه بيرجع تانى ليها حتى و لو بعد فترة
و انا هاخد الفكرة كأنها صفقات سريعه اسكابلينج بغض النظر ان الهدف ممكن يكون اضعاف الهدف اللى انا حاطه .. و لكن عدم الطمع يكون افضل و الرضا بربح قليل ... و كل واحد مسؤل عن ادارة رأس ماله
الفكرة بسيطه جداا ...
▪ صفقات اسكابلينج .. بدون ستوب لوز !!
الشرح
نفتح صفقه شراء مع كسر الشمعه الخط العلوى المرسوم و بهدف ٥ نقاط
و العكس فى صفقات البيع ... نفتح صفقه بيع لما يكسر الخط السفلى و الهدف ٥ نقاط
....
هيبقى فى ثغرة فى الاكسبرت لازم نستغلها احسن استغلال
السعر ممكن يرتد من عند الخط السفلى او العلوى و ميجبش الهدف و يعكس
الحل : نفتح صفقه بنفس اللوت المستخدم لما السعر يعكس ١٠ نقاط
و هنا هنكون قدام امرين
1- نخلى نفس الهدف بتاع الصفقه الاولى هو نفس الهدف لباقى الصفقات المفتوحه ( و دة بيحصل قليل .. و بتكون مخاطرة عاليه )
2- يغلق الاكسبرت على اكوايتى معين يتم ظبطه من الاعدادات ( دا افضل لان السعر بيرتد تانى لنفس النقطه حتى و لو بعد فترة )
ملحوظه :
مثلا اذا ظهرت اشارة بيع و كان مفتوح صفقه شراء و عاكسه .. لا تغلق صفقه الشراء ... يستمر الصفقتين معاا
الفريم المستخدم : الساعه
العملات : يصلح لجميع العملات و اكثرهم الباوند
■ المطلوب : برمجه اكسبرت اسكابلينج
الاعدادات المطلوبه:
1- توقيت عمل الاكسبرت
2- اعدادات مؤشر الزجزاج
3- التايم فريم المستخدم
4- اللوت المستخدم
5- ظبط اكوايتى الربح للصفقات التعزيزيه المفتوحه
6- الهدف بالنقاط
7- التحكم فى السبريد .. لو كان اكثر من ٢ نقطه ميفتحش الصفقه لان الهدف ٥ نقاط فقط
تحياتى
