مطلوب عمل اكسبيرت

السلام عليكم أخي حسن
عاوز من حضرتك اكسبيرت
١ يحدد مستطيل بعدد شموع نحددها مثلا من الساعة ١١ مع افتتاح اليوم الي الساعة ٩
ومع اختراق المستطيل لأعلى يدخل شراء بهدف ٢٠ نقطة واستوب ٢٠
مع ملاحظة
عند تحقيق الهدف والعودة الي حد المستطيل يدخل شراء مرة أخرى وهكذا مع كل مرة يحقق الهدف ويعود المستطيل
اما في حالة ضرب الاستوب ال ٢٠ نقطة ننتظر كسر المستطيل لأسفل وندخل بيع وبرضه مع تحقيق الهدف والعودة لحد المستطيل يدخل بيع مرة اخرى وهكذا
ولو ضرب استوب البيع واخترق المستطيل لأعلى يدخل شراء يعني مع كل وصول للسعر لحد المستطيل يدخل باتجاه لو وصل للحد العلوي يدخل شراء ولو الحد السفلي يدخل بيع

توضيح
١ امكانية تحديد ساعات بداية المستطيل من الي
٢ خانة لتحديد الهدف
٣ خانة لتحديد الاستوب
٤ خانة لتحديد اللوت
٥ خانة للمضاعفات مع امكانية إلغاء الخاصة في الاكسبيرت
٦ خانة لتحديد الاسبريد مع امكانية اختيار عمله تلقائي

ولحضرتك كل الشكر والتقدير

أستأذنك أستاذ حسن إلقاء نظرة على الاكسبيرت المطلوب
ولكم كل الشكر والتقدير

وعليكم السلام
مرفق الاكسبيرت

يعجز اللسان على شكر حضرتك لما تقدمه للجميع والشكر موصول للموقع المتميز برمجة فوركس
جاري تجربة الاكسبيرت عشان لو في أي ملاحظات ونبدأ نعمله حقيقي بإذن الله

الله ينور عليك أستاذ حسن
بس لو تتكرم في بعض التعديلات
1- عاوز الاكسبيرت يقفل الصفقة بنهاية اليوم ( يعني لو في صفقة شغالة واليوم خلص بمجرد انتهاء اليوم يغلق الصفقة مباشرة على أي نتيجة ) ومع بداية اليوم الجديد وتكون المستطيل يبدأ في الصفقة الجديدة
2- ياريت لو تكرمت وعملت اختيار للمضاعفات
ولك كل الشكر والتقدير

تعديل 3- الاكسبيرت بيفتح الصفقة بعد كسر الحد العلوي للمستطيل مثلا فندخل شراء بعد تحقق الهدف ويرجع يلمس الحد العلوي للمستطيل يدخل الصفقة التانية مش لما يغلق بداخل المستطيل زي ما بيتنفذ دلوقتي ( يعني بعد تحقيق الهدف بمجرد ما السعر يرجع يلمس حد المستطيل يفتح الصفقة التالية مش لما يغلق بداخل المسطيل ويرجع يخرج منه )

تعديل 4- أوقات بيبقي مسافة المستطيل أقل من 20 نقطة فياريت لو نعدل الاكسبيرت بأن لو الفرق بين حدين المستطيل أقل من 20 نقطة يبقي الاستوب الحد الأخر والهدف زي ماهو 20 نقطة
يعني مثلا مسافة المستطيل 15 نقطة ومثلا كسر الحد السفلي فهيدخل بيع ويكون الهدف 20 نقطة بس الاستوب يكون الحد العلوى ( اللي هيكون 15 نقطة ) وبضرب الاستوب يدخل صفقة معاكسة ( شراء ) بهدف 20 نقطة وأستوب الحد السفلي (اللي هيكون 15 نقطة )

وألف شكر لحضرتك وأسف على التعب بس عشان نظبط الاكسبيرت عشان يريحنا في الحقيقي بإذن الله
ولك كل التقدير والاحترام

المضاعفات موجودة سلفا باسم Multiply معامل الضرب، 0 إلغاء
مرفق الاكسبيرت النسخة 2 بحيث:

LotsIncrease لوت مضاعفات الجمع، 0 إلغاء
DailyClose تفعيل او تعطيل الاغلاق اليومي

الف مليون شكر لحضرتك استاذ حسن

استسمحك أستاذ حسن لو توضح كيفية ادخال المضاعفات بمعامل الضرب - والجمع
في الاكسبيرت ( بمثال توضيحي )

انا جربت الاكسبيرت في أخطاء وكانت متكررة
أنا هبعت لحضرتك اللي تلات أخطاء في صور للشارت لتوضيح الخطأ عشان نقدر نعالجه برمجيا

هذه ليست اخطاء بل شرط الاختراق تحقق
وإذا اضفنا شرط التساوي يعني السعر الحالي يساوي الخط فقد لا يتم فتح الصفقة بسبب قفزة نقطية بسيطة لن تلاحظها بالعين المجردة لأنها ضمن الشمعة الحالية
عموما مرفق الاكسبيرت به شرط التساوي نقطيا سيكون مثالي بالباكتيست لكن بالواقع شيء آخر
ويجب استخدام باكتيست من نوع EveryTick

أستاذ حسن أولا ألف شكر لسعة صدر حضرتك
فعلا الاكسبيرت روعة والنتيجة فعلا زي النتيجة اليدوية للباك تيست ( لأن كدا الصفقة بتتفتح عند سعر الحد العلوي أو الحد السفلي ) زي الطريقة اليدوية بالظبط )
بس المشكلة زي ما حضرتك قولت لما يبقي حقيقي القفزة السعرية ( أو الجاب البسيط الغير مرئي في الشموع ) الحل معاها ايه
لأننا لو غيرنا الاكسبيرت زي النسخ اللي فاتت الصفقات مش مظبوطة
لكن الاكسبيرت الأخير دا ( روعة الروعة ) زي اليدوي فأيه الحل لأن بجد الاكسبيرت هيبقي اختراع وكمان في تحسين بعمل عليه باك تيست يدوي
فعلا بإذن الله تكون النتيجة ربح أسبوعي

لا يوجد حل للقفزات السعرية فهي من طبيعة السوق

يعني كدا مش هعرف اشغل الاكسبيرت على الحقيقي
انا جربت الاكسبيرت حاجة في منتهي الجمال
طيب ايه الحل
طريقة الاستراتيجية لازم الصفقة تفتح مع لمس الحد العلوي او السفلي للمستطيل فقط غير كدا الطريقة تبقي فاشلة وهتسبب خساير


وكنت عاوز طلب من حضرتك لو تكرمت تشرحلي طريقة المضاعفات مدخلات الاكسبيرت لان مش عارف اظبطها
في عند المضاعفات ٣ خانات

يعني كدا مش هعرف اشغل الاكسبيرت على الحقيقي
انا جربت الاكسبيرت حاجة في منتهي الجمال
طيب ايه الحل
طريقة الاستراتيجية لازم الصفقة تفتح مع لمس الحد العلوي او السفلي للمستطيل فقط غير كدا الطريقة تبقي فاشلة وهتسبب خساير


وكنت عاوز طلب من حضرتك لو تكرمت تشرحلي طريقة المضاعفات مدخلات الاكسبيرت لان مش عارف اظبطها
في عند المضاعفات ٣ خانات

لا يوجد حل للقفزة السعرية لكن يوجد حل وسط لمسالة الملامسة بحيث نضع مجال سعري يعني مثلا فتح الصفقة ما بين الخط و 5 نقاط فوقه وتحته
مع التحكم بالقيمة 5 من الاعدادات
ما رايك ؟

مرفق الاكسبيرت النسخة 4 بحيث تم اضافة اقصى مسافة للجاب
MaxGap اقصى مسافة للجاب بعد الاختراق
Multiply,//معامل الضرب في حجم العقد الأساسي، 0 إلغاء
LotsIncrease,//لوت (موجب) للمضاعفات التزايدية أو لوت سالب للمضاعفات التناقصية ، 0 إلغاء،
MinLots,//اقل لوت للثباث عليه في حال استخدام المضاعفات التناقصية، 0 إلغاء
MaxLots,//أقصى لوت للبدء من جديد باللوت الأساسي، 0 إلغاء

ألف مليون شكر أستاذ حسن جاري تجريب باك تيست على اكتر من عمله وبإذن الله أجربه على التجريبي الاسبوع القادم وفي فكرة اظبطها بس وبإذن الله هيبقي اختراع

بالتوفيق إن شاء الله