(شرح) تحميل البيانات التاريخية فى الميتاتريدر

بسم الله الرحمن الرحيم

اخوانى .. تحية من القلب

باذن الله تعالى اليوم سوف نقوم بشرح مصور لطريقة رفع البيانات التاريخية للعملات بشكل سليم على منصات الميتاتريدر

1- الافضل تخصيص منصة لعمل الباك تست غير منصة الحساب الحقيقى وحنشتغل هنا فى الموضوع على منصة fxdd

2- لازم نوضح ان هناك امتدادين للبيانات التاريخية يمكن تنزيلهم ..

* الاول امتداد TXT ويمكن تنزيلها من موضوعى ..

( حصريا ) البيانات التاريخية للعملات من 2001


* الثاني امتداد hst ويمكن تنزيلها من مواقع كثيرة اشهرهم FXDD , dukascopy


لينك التحميل من موقع dukascopy


دوس هنا


لينك التحميل من موقع FXDD


دوس هنا

.
.

نحاول نجرب مع بعض وتحميل اى عملة من اللينكات اعلاه ..

ونتابع اولا شرح طريقة تحميل البيانات بامتداد hst بطريقة سليمة فى الرد القادم باذن الله تعالى


.
.



لكم ودى وتقديرى

شكرا اخي صياد الجراح

متابع معك اخي

حياك الله اخى ابو عمر

لك ودى وتقديرى

تشرفنى متابعتك اخى البرنس
ومعاك لاى استفسار باذن الله تعالى

لك ودى وتقديرى

بسم الله الرحمن الرحيم

نبدء على بركة الله فى الشرح ..

1- حندخل اللينكات اعلاه فى اول الموضوع ونزل العملة اللى عاوز تعمل لها باك تست
2- نفتح المنصه وندوس على file ومنها على open data folder ندخل على history

ملف مرفق 1717

3- نمسح كل الملفات الموجوده فى الهيستورى ماعد ملف السيرفر وبيكون باسم الشركة+اسم السيرفر وعلى منصة fxdd اسمه FXDD-MT4 Demo Server

ملف مرفق 1718

4- ندخل فى الملف المتبقى FXDD-MT4 Demo Server
ونقوم بمسح كل الملفات ماعدا 3 ملفات هما symgroups -symbols.sel - symbols.sel

صور توضيحية

ملف مرفق 1719

ليصبح هذه فقط الملفات الموجوده داخل الملف

ملف مرفق 1720

5- تاكد ان المنصة غير متصلة بالانترنت واقفلها وافتحها مرة اخرى

وللتاكد انها ماشيين تمام بعد فتح المنصة حنلاقى الشارتات بدون اى شموع بهذا الشكل لكل الفريمات بهذا الشكل

ملف مرفق 1721

.
.

ناخذ استراحة بسيطة لرد على اى استفسار فى الخطوات السابقة وطريقة تنفيذها
ونتابع بعدها باقى الشرح باذن الله تعالى

لكم ودى وتقديرى

كيف ترفق صور وفيديو في المشاركات

الصور كانت ظاهرة .. راحت فين ههههه

مش مهم نعيد رفعها من جديد مع باقى الشرح باذن الله تعالى ..

لكم ودي وتقديرى

بسم الله الرحمن الرحيم

اعادة رفع الصور مع الشرح من جديد ..

1- حندخل اللينكات اعلاه فى اول الموضوع ونزل العملة اللى عاوز تعمل لها باك تست
2- نفتح المنصه وندوس على file ومنها على open data folder ندخل على history

ملف مرفق 1732

3- نمسح كل الملفات الموجوده فى الهيستورى ماعد ملف السيرفر وبيكون باسم الشركة+اسم السيرفر وعلى منصة fxdd اسمه FXDD-MT4 Demo Server

ملف مرفق 1733

4- ندخل فى الملف المتبقى FXDD-MT4 Demo Server
ونقوم بمسح كل الملفات ماعدا 3 ملفات هما symgroups -symbols.sel - symbols.sel

صور توضيحية

ملف مرفق 1734

ليصبح هذه فقط الملفات الموجوده داخل الملف

ملف مرفق 1735

5- تاكد ان المنصة غير متصلة بالانترنت واقفلها وافتحها مرة اخرى

- وللتاكد اننا ماشيين تمام بعد فتح المنصة حنلاقى الشارتات بدون اى شموع بهذا الشكل لكل الفريمات بهذا الشكل

ملف مرفق 1736

.
.

ناخذ استراحة بسيطة لرد على اى استفسار فى الخطوات السابقة وطريقة تنفيذها
ونتابع بعدها باقى الشرح باذن الله تعالى

لكم ودى وتقديرى

تمام اخي معك بالتوفيق

يشرفنى اخى متابعتك
وبنكمل باقى الشرح اليوم باذن الله تعالى

لك ودى وتقديرى

السلام عليكم أخي.
شكرا على الموضوع. المرجو شرح تحميل امتداد TXT من موقع dukascopy. وبالنسبة لملف FXDD-MT4 Demo Server غير موجود في history
ملاحضة.عند تحميل المنصة لم أقم بتسجيل الدخول إلى المنصة يعني لم أقم بتسجيل حساب تجريبي بعد فقط قمت بالدخول إلىfile ومنها على open data folder ثم إلى history ولم أجد الملف.

اخى تحية من القلب ..

1- من عنيا باذن الله تعالى نقوم بشرح طريقة رفع ملفات TXT للمنصة بعد الانتهاء من الشرح الحالى ويمكن تحميل هذه الملفات من موضوعى

دوس هنا للدخول للموضوع

2- لو محتاج نشرح ايضا طريقة تحميل الملفات من موقع dukascopy قولى وانا حقوم بشرحها لك .. ولكن ملفات مواقع المنصات بامتداد hst مش txt..

3- افتح حساب ديمو على منصة fxdd وبعدها قم باغلاقه عادى .. وتابع بعدها الخطوات حتلاقى الملفات موجوده باذن الله تعالى

وانا معاك خطوة خطوة باذن الله تعالى

لك ودى وتقديرى

بسم الله الرحمن الرحيم

نكمل الشرح ..

- نأخد الملف المحمل من الموقع بامتداد (hst) .. كوبى .. و وضعه فى ملف FXDD-MT4 Demo Server .. بست
- نقوم باضافة رقم 1 بجوار اسم العملة ليصبح كالتالى

ملف مرفق 1761


كده لدينا البيانات التاريخية للشارت الدقيقة
نغلق الفولدر والمنصة ونفتحها مرة اخرى .. حنلاقى شموع شارت الدقيقة ظهر امامنا على الشارت

ملف مرفق 1760

- نبدء تضيف باقى الفريمات عن طريق اسكربت Period Converter

ملف مرفق 1759

نفتح المنصة ندوس على اسكربت وندوس على Period Converter
حيطلع لنا مربع كتالى نكتب 5 فى خانة input

ملف مرفق 1762

وندوس مرة ثانية على نفس الاسكربت ونكتب 15
ثوانى وندوس ثانى ونكتب 30
ثوانى وندوس ثانى ونكتب 60

- عشان نتاكد اننا ماشين صح نفتح فولدر FXDD-MT4 Demo Server حنلاقى ملفات الفريمات نزلت فيه كالتالى :-

ملف مرفق 1763

نكمل بعدها بنفس الطريقة ندوس على الاسكربت ونكتب 240
نكتب 1440
نكتب 10080
نكتب 43200

حنلاقى كل الملفات ظهرت فى الفولدر من الدقيقة حتى الشهرى

ملف مرفق 1764

نقفل المنصة ونفتحها من جديد نلاقى الشموع رجعت تانى وكل شارتات العملة الباوند ظهرت طبيعى

ملف مرفق 1765

وحنلاحظ ان الباوند فقط اللى الشارتات والشموع ظهرت بالفعل .. وباقى العملات مازالت بدون شموع ..

ملف مرفق 1766

ونعمل كده لكل عملة محتاجين انها تظهر او نعمل لها باك تست وتحميل البيانات التاريخية لها ..

.
.

كده انتهى الشرح لرفع ملفات hst ..
معاكم لاى استفسار واى نقطة مش واضحة .. باذن الله تعالى

.
.

لكم ودى وتقديرى

خطوة اخيرة للتاكد من شغلنا

ندوس file وبعدها open offline
حيطلع لنا مربع نلاحظ فيه ان عملة الباوند اللى اشتغلنا عليها ورفعنا لها البيانات التاريخية
1- عدد البارات كيبر جدا
2- التاريخ اتغير ليكون من سنه 2005 حتى 2017

صورة توضيحية

ملف مرفق 1767


لكم ودى وتقديرى

هذه الطريقه تنفع مع الملفات التي نزلت لينكتها في موضوعك الثاني؟

ممكن شرح كيفيه التحميل من الموقع
وكذالك كيفيه اضافه الملفات بصيغه txt

بسم الله الرحمن الرحيم

الطريقة تختلف عن ..

ملفات بصيغه txt
اذا هناك طلب من الاعضاء على شرح الطريقة

سوف اقوم بشرحها .. بس اطلبوه وانا انفذ

باذن الله تعالى

لكم ودى وتقديرى

تمام فين الشرح انا بطلب

بجودة كام يا باشا؟ 90 أو 99

أطلب من الله عز و جل أن يكون مانعك خيرا إن شاء الله