برجاء عمل اكسبيرت لهذا المؤشر

[محمد عرفة]

السلام عليكم ورحمة الله وبركاتة
بعد اذن حضرتك كنت محتاج اكسبيرت يعتمد على مؤشر سوبر تريند
المؤشر يعطى اشارة بيع وشراء واشاراتة ثابتة لاتتغيير
المطلوب:فى حالة اعطى المؤشر اشارة شراء يتم الشراء ب سعر السوق مباشرتا بعقد 1 لووت بهدف انا بحددة
فى حالةعكس الاشارة ولم يحقق الهدف يتم غلق الشراء وفتح بيع بعقد ب 2 لوت بسعر السوق فى نفس اللحظة
فى حالة لم ياتى بهدف البيع وظهرت اشارة شراء يتم غلق البيع وفتح شراء ب 3 لوت فى نفس اللحظة بسعر السوق
ويستمر عمل الاكسبيرت على هذا المنوال حتى ياتى بالهدف الى انا محددة ثم بدا العمل من اول تانى بظهور اشارة جديدة للمؤشر والبداية بعقد 1 لوت
ملحوظة:
لو انا محدد الهدف مثلا 100نقطة والعقود التى تفتح وتغلق لم تاتى بالهدف 100نقطة
يستمر الاكسبيرت يضاعف اللوت حتى ياتى بالهدف المطلوب وهو 100 نقطة حتى ولو كانت العقود المغلقة تقفل على ربح

برجاء وضع اعدادات المؤشر فى الاكسبيرت عشان كل عملة هيكون ليها اعدادات معينة

بالنسبة للمضاعفات : برجاء وضع نوع المضاعفة
1- مضاعفات متتالية يعنى 1-2-3-4-5-6-7-8-9-10-11 ...... وهكذا
2- مضاعفات ثنائية يعنى 1-2-4-8-16-32-64-128-256-..... وهكذا
3- مضاعفات فيبوناتشى يعنى 1-2-3-5-8-13-21-34-55...... وهكذا

برجاء وضع استخدام المضاعفات اختيارى
فى حالة عدم اختيار المضاعفات يكون فية هدف واستوب وترلينج استوب
اتمنى انى اكون وضحت كل شى واسف لتعبك معايا
تحياتى

[محمد عرفة]

هذة صورة المؤشر

[محمد عرفة]

انا اسف نسيت اقول لحضرتك
بالنسبة لوقت عمل الاكسبيرت
يا ريت يكون فى امر انى اشغلة من الساعة ... الى الساعة ...
عشان نشغلة فى اوقات السيولة بس
وانا شاكر لحضرتك مقدما
تحياتى

[kira-h]

وعليكم السلام
مرفق الاكسبيرت

[محمد عرفة]

وعليكم السلام
مرفق الاكسبيرت
ربنا يرحم والديك ويبارك فيك
انا شاكر جدا لتعبك
جارى التجربة ان شاء الله
تحياتى

[محمد عرفة]

السلام عليكم ورحمة الله وبركاتة
انا بعمل باكتست مش عايز يفتح اى امر
انا حاطط المؤشرطبعا فى برنامج الميتاتريدر
بالنسبة للامر increase وظيفتة اية
تحياتى

[kira-h]

وعليكم السلام
فضلا راجع الموضوع بتوقيعي
increase لوت الجمع مثلا الجمع بمقدار 0.01 او 0.3 ... يعني حرية اكبر في مضاعفات الجمع باي لوت تريد
اي اخطاء اخرى راجع خانة الجورنال او المجلة

[محمد عرفة]

السلام عليكم ورحمة الله وبركاتة
الشروط عادلة وان شاء الله نوفيها بعد الانتهاء من الاكسبيرت
طبعا انا شاكر لتعب حضرتك بس فى بعض الملاحظات الهامة
1- حضرتك عامل الصفقة تفتح بعد اغلاق الشمعة الثانية من تغيير الاتجاة
انا عايزالصفقة تبداء بعد اغلاق الشمعة الاولى التى تكون شمعة تغيير الاتجاة وتضرب الاستوب باغلاق الشمعة الاولى الى تغيير فىها لون المؤشروهكذا حتى ياتى الهدف ونبداء من اول ب 1 لوت هو الموضوع مش بيفرق فى الربح لكن بيفرق فى الخسارة
2- الاكسبيرت بيجيب الهدف ويفضل يضاعف حتى فى الصفقات الى بعد كدة حتى الى جابت الهدف وبعد كدا يغير ويبتدى من الاول ب 1لوت

الفكرة الاساسية : هى ان الاكسبيرت يفتح الصفقة لو جابت الهدف المحطوط من اول مرة خلاص يبداء الصفقة الجديدة عادى ب1 لوت
لواول صفقة شراء مثلا ب 1 لوت والهدف 70 نقطة وتغييرالاتجاة يغلق الصفقة على اغلاق اول شمعة فى تغيير الاتجاة ويفتح صفقة البيع ب 2 لوت وهدف 70 نقطة
فى حالة تغيير الاتجاة لشراء يفتح الصفقة الجديدة ب 3 لوت وهدف 70 اذا جاب الهدف فى المضاعفة الثالثة يبدا ء من الاول تانى فتح الصفقة ب 1 لوت
انا اسف لتعبك مقدما بس الملحظتيين دول هما اساس فكرة الاكسبيرت
تحياتى

[محمد عرفة]

انا حاولت اشرح على الصورة قدر المستطاع

[kira-h]

وعليكم السلام
اخي الكريم راقب جيدا متى يتبث اللون او كلمتي buy و sell بالمؤشر،
هذا المؤشرمعروف، ستجد انه يتبث بعد اغلاق شمعتين وليس شمعة
وحتى فرضا نريد اول شمعة فهي بدون اي قيمة برمجية وبالتالي لا يمكن بناء الشروط برمجيا،
يعني بداية اللون مجرد خدعة بصرية ليس الا، لتنسيق شكل المؤشر والذي بدوره خدع الكثيرين وطبعا هذا اكيد من فعل مبرمج محتال بحيث تعمد رسم كلمة buy و sell بالشمعة الأولى بينما الاشارة الحقيقية تتحقق بالشمعة الثانية

[محمد عرفة]

السلام عليكم ورحمة الله وبركاتة
تمام اخى انا فعلا لحظة الموضوع دة وكنت فاكر لية حل برمجى بس مش مهم
بالنسبة للملاحظة التانية فى الاكسبيرت الخاصة ب انى

لاكسبيرت بيجيب الهدف ويفضل يضاعف حتى فى الصفقات الى بعد كدة حتى الى جابت الهدف لحد ميوصل للمرجن طبعا
الفكرة انى الصفقة قفلت على هدف فى المضاعفة الرابعة مثلا يبتدى فى الصفقة الجديدة ب 1 لوت عادى الصفقة الجديدة جابت هدف فى المضاعفة العاشرة مثلا يفتح الصفقة الجديدة ب 1لوت
الصفقة جابت الهدف من اول مرة عادى يبدا الى بعدها ب 1 لوت
وانا شاكر لتعبك مقدما اخى
تحياتى

[kira-h]

وعليكم السلام
هذا ما يقوم به الاكسبيرت المضاعفات لن تنتهي سواء ربحت الصفقة او خسرت الا بعد تحقيق الهدف النقطي يبدا من جديد وهذا واضح بالشرح

[محمد عرفة]

وعليكم السلام
هذا ما يقوم به الاكسبيرت المضاعفات لن تنتهي سواء ربحت الصفقة او خسرت الا بعد تحقيق الهدف النقطي يبدا من جديد وهذا واضح بالشرح
السلام عليكم ورحمة الله وبركاتة
الاكسبيرت ينفذ الاتى
بحط هدف جابة من اول مرة يدخل لية الصفقة بعدها 2 لوت ولو جاب الهدف يدخل الى بعدها ب 3 لوت الطريقة دى اخرها مرجنة
انا قولت لحضرتك يفضل يضاعف لحد ميجيب الهدف الى مكتوب جابو مثلا فى المضاعفة الخامسة خلاص كدة الصفقة انتهت بالهدف
هبتدى الجديدة ب 1 لوت ويضاعف لحد ميجيب الهدف الى مكتوب وبعد كدا يبداء ب 1 لوت من اول هكذا
دة الى كتبتة فى شرح الفكرة

[kira-h]

وعليكم السلام
المضاعفات سليمة برمجيا لكن الهدف عادة لا يتحقق كاملا بسبب تغير السبريد اواعادة التسعير وغيرهما
الاكسبيرت يحسب فارق النقاط وغالبا يكون اقل من الهدف بالاعدادات لهذا يستمر في المضاعفات
سنضيف خاصية تحدد فيها اقل ربح للبدء من جديد MinProfit
مثلا الهدف 100 نقطة واقل ربح 90 نقطة
فتم اغلاق صفقة على الهدف لكن فعليا الربح المحقق 89 نقطة فقط بسبب ارتفاع السبريد مثلا، هنا سيضاعف، أما اذا حقق ربح اكثر من 90 نقطة يبدا من جديد
جرب النسخة المرفقة