مطلوب برمجه اكسبرت

[Geobeshoy]

السلام عليكم
استراتيجه عكس الاتجاه .

تعتمد الاستراتيجه على انعكاس الترند سواء هابط او صاعد و الدخول من مناطق الانعكاس بشروط معينه
اولا نشرح ماهى المؤشرات المطلوبه للاستراتيجيه :
# Main Chart :
1- Bollinger bands ... period 20

# Indicator window
1 - stochastic Oscillator
اعداداته كالتالى
%K Period : 5
%D Period : 3
Slowing : 3
Price field : low/hight
Method : smoothed

* مننساش نضيف خطين levels فى stochastic Osator رقم 80 و رقم 20

طريقه تداول الاكسبرت :

اولا الشروط

لايزم يتوافر عدة حاجات علشان نخش الصفقه سواء بيع او شراء

١- لازم يكون خط ال main بتاع ال stochastic اعلى من 80 او اقل من 20
( اعلى من ٨٠ هندخل صفقه بيع ... اقل من ٢٠ هندخل صفقه شراء )

٢- لازم تكون فى شمعه قد لامست خط البولنجر من فوق لو هنفتح صفقه بيع ... و من تحت لو هنفتح صفقه شراء ... بمعنى مثلا لو هنفتح صفقه بيع ... يبقى فى شمعه قد لامست مرة على الاقل خط البولنجر من الاعلى ... و لو ملمستهوش منخشش الصفقه

٣- يتم تحديد اخر low لشمعه مكتمله صاعدة قبل تقاطع خطين الاستوكاستيك فى صفقات البيع و تبقى دى نقطه دخول الصفقه
* يتم تحديد اخر high لشمعه مكتمله هابطه قبل تقاطه خطين الاستوكاستيك فى صفقات الشراء و تبقى دى نقطه دخول الصفقه

٤- الدخول فى الصفقات عند تقاطع خطين ال stochastic

اخذ الربح و وقف الخسارة
تغلق جميع الصفقات سواء كسبانه او خسرانه عند ملامسه الشمعه خط البولنجر فى المنتصف ( موفينج افريدج 20 )

يجب ملاحظه الاتى :

فى حالات هتتوافر شرطين او ثلاثه فقط من الاربع شروط ... لا ندخل الصفقه الا عند توافر جميع الشروط

ممكن ان تتوافر الشروط و لكن تكون الشمعه قد اخترقت بالفعل منتصف خط البولنجر .... لا ندخل الصفقه علشان مش هيكون فى هدف للصفقه

ممكن تتوافر شروط لكن الشمعه مكسرتش نقطه الدخول :
بمعنى مثلا ... ان ال stochastic فوق خط ال ٨٠ و الشمعه تكونت صاعدة و رسمنا تحتيها اقل قاع وصلتله علشان ندخل صققه بيع ... و تكونت باقى الشروط بس الصفقه مفتحتش علشان الشمعه اللى بعديها مهبطتش لحد نقطه الدخول ... تبقى نقطه دعم قويه .. هنلاقى بعدها الشارت كمل طلوع و عند اقرب نقطه انعكاس هيفضل يهبط لحد اسفل النقطه دى

كيفيه ادارة راس المال
* راس المال 100
حجم اللوت 00,01
تفتح صفقه واحدة عند توافر الشروط و لو الصفقه عكست يبقى هنحتاج نفتح صفقه عند معاودة تقطاع خطين الستاتيك فى نفس الاتجاه (مش شرط يكون فوق ال 80 او تحت ال 20 ) و ساعتها هندخل الصفقه بضعف اللوت و الهدف هيكون خط البولنجر فى المنتصف للصفقتين
يمكن ان تعكس الصفقه اكثر من مرة ... هنضاعف اللوت المستخدم و الهدف بيكون خط البولنجر فى المنتصف

# شروط دخول الصفقه العاكسه ....مثلا لو صفقه شراء( معاودة تقاطع خطين الاستاتيك لاعلى اذا كانت صفقه شراء .. او ملامسه لخط البولنجر من اسفل و الشمعه اخترقته بس قفلت فوق خط البولنجر السفلى ايهما اقرب)
و العكس فى صفقات البيع
-يعنى هنكون فاتحين اكثرمن صفقه فى نفس الوقت :
الصفقه الاولى عند توافر الشروط اللى قلناها
و الصفقات الاخرى عند معاودة تقاطه خطين الاستوكاستيك فى نفس الاتجاه و الصفقه الاولى لسه شغاله و لكن بضعف اللوت فى كل مرة
يتم غلق جميع الصفقات بمجرد لمس الشمعه خط البولنجر فى المنتصف

# التاك بروفت بيكون عند ملامسه خط البولنجر فى المنتصف ليس وقت فتح الصفقه و لكن بيتغير كل ما بيكون الصفقه شغاله ... بمعنى اننا نرحل التاك بروفت عند ظهور كل شمعه جديدة وقت الصفقه

المطلوب ...
برمجه اكسبرت تداول آلى

تحياتى لحضرتك و اسف على الاطاله و ان شاء الله الجميع يستفاد
مرفق صور للشرح


https://d.top4top.net/p_952h8y6x0.jpg

اولا الشعه قدلامست خط البولنجر العلوى

ثانيا خط الاستوكاستيك اعلى من ٨٠

ثالثا رسمنا اخر low لشمعه صاعدة قبل تقاطع خطين الاستوكاستيك ( نقطه دخول الصفقه )

رابعا تم تقاطع خطين الاستوكاستيك و الشمعه نزلت لحد نقطه دخول الصفقه

خامسا لمست الشمعه خط البولنجر الوسط و اغلقت الصفقه
المصدر: منتدى المضارب العربي لتجارة العملات الفوركس - من قسم: المؤشرات واكسبيرتات المتاجرة في الفوركس

[Geobeshoy]

السلام عليكم
هل يوجد من يبرمج هذا الاكسبرت ام لا

[kira-h]

وعليكم السلام
المرجو التوضيح اكثر للفرص بصور من الشارت

[Geobeshoy]

https://a.top4top.net/p_95487xk90.jpg
هنا كان الاستوكاستيك اعلى من ٨٠ و الشمعه كاتت قد لمست خط البولنجر العلوى ... قعدنا نرحل نقطه الدخول كل ما شمعه صاعدة جديدة بتتكون و تم تقاطع خطين الاستوكاستيك و لكن الشمعه منزلتش لنقطه دخول الصفقه
# لكن ظهرت اشارة جديدة
١- الاستوكاستيك اعلى من ٨٠
٢- الشمعه قد لاسمت خط البولنجر العلوى مرة او اكثر
٣- رسمنا نقطه دخول الصفقه مع تكون اقرب شمعه صاعدة قبل تقاطع خطين الاستوكاستيك ( pending sell order )
٤- الشمعه كسرت نقطه الدخول و فتحت الصفقه
٥ - التاك بروفت بتاعى بيكون عند ملامسه الشمعه لخط البولنجر فى المنتصف ( بردة بيترحل مع ظهور كل شمعه جديدة لحد ما يلمس خط البولنجر الوسط )

[Geobeshoy]

https://a.top4top.net/p_954g0aq80.jpg
هنا فى الشارت يوجد ثلاثه فرص
الاولى ... تم توافر الشورط و لكن ظهر تقاطع الاستوكاستيك بعد نقطه الدخول ... ندخل الصفقه طالما معدتش خط البولنجر فى الوسط علشان دة الهدف و الستوب لوز ( الحمد لله محققه مكسب )
الصفقه الثانيه... تم توافر الشروط و حققت مكسب ضعيف
الصفقه الثالثه ... تم توافر الشروط لكن نقطه الدخول الشمعه مكسرتهاش فمفتحناش الصفقه

[Geobeshoy]

https://b.top4top.net/p_954hvk0e0.jpg
هنا فى الشارت مثال للصفقات التعزيزيه
اولا : تم توافر الشروط و دخلنا الصفقه بس الصفقه عكست ( تم عكس خطين الاستوكاستيك)
بنستنى لما تيجى اشارة ثانيه من الاستوكاستيك ( مش شرط تكون فوق ال ٨٠ او تحت ال ٢٠ ) و ندخل الصفقه بضعف اللوت
ثانيا : ظهرت اشارة شراء جديدة فدخلنا الصفقه الجديدة بضعف اللوت
# هنخلى التاك بروفت للصفقتين عند ملامسه الشمعه خط البولنجر الوسط
* ان شاء الله اجمالى الصفقات هيكون على ربح

[Geobeshoy]

https://a.top4top.net/p_954bqds40.jpg
هنا مثلا تم توافر الشروط ... و لكن نقطه الدخول كانت بعد خط البولنجر الوسط .... مش هنخش الصفقه علشان الصفقه هيكون عدت الهدف بتاعنا

ارجو ان اكون وضحت كل حاجه لحضرتك ... و تحت امرك فى اى استفسار

[kira-h]

جاري المراجعة ان شاء الله

[Geobeshoy]

فى انتظار رد حضرتك ... شكرا

[kira-h]

مرفق الاكسبيرت

[Geobeshoy]

مشكور لحضرتك
للأسف لا يمكننى تنزيل الملفات المرفقه ... ممكن تبعتها على لينك خارجى مثلا

[kira-h]

استخدم متصفح آخر

[Geobeshoy]

الاكسبرت اكثر من رائع .. تسلم ايديك على الشغل العالى
بس محتاج تعديل فى نقطتين
الاولى : الصفقات التعزيزيه
شروط الصفقات التعزيزيه :
١- تفتح الصفقه بضعف اللوت المستخدم فى الصفقه الاولى
٢- يكون الهدف للصفقتين واحد و هو ملامسه الشمعه خط البولنجر الوسط
٣ - تقاطع خطين الاستوكاستيك فى نفس الاتجاه مرة اخرى ( ليس شرط ان يكون فوق خط ال ٨٠ او اقل من ال ٢٠ )
٤ - يمكن ان نفتح اكثر من صفقه تعزيزيه بمضاعفات( عند توافر الشروط ) لحد ما الصفقات تغلق
مثال :
https://f.top4top.net/p_955g2fnu0.jpg
هنا هنلاقى اننا فتحنا صفقه .. بعد كدة خطين الاستوكاستيك عكسو ... بعد كدة تقاطعو فى نفس اتجاه الصفقه .. ففتحنا صفقه تعزيزيه بضعف اللوت ... الهدف للصفقتين لما الشمعه تلامس خط البولنجر الوسط
# ممكن نخلى اقصى عدد للصفقات ١٠ مثلا ..... و بأكد على ان مش شرط يكون ثانى تقاطه يبقى فى حاله تشبع ( ليس شوط ان يكون فوق ال٨٠ او تحت ال ٢٠ )

ثانى نقطه :
ممكن نعتمد الصفقة اذا حدث التقاطع بعد x من الشمعات ليس شرط ان تكون الشمعه التليه فقط ... ممكن نخليها بحد اقصى ٤ شمعات مثلا ( نخلى الموضوع دة فى الاعدادات الخارجيه )

افضل فريم تجرب عليه هو فريم ال اربع ساعات و شوف النتايج بنفسك

[Geobeshoy]

اعتذر لك اخى الكريم ... لقد اكتشفت انه يمكن ان يفتح اكثر من صفقه عند كل تقاطع بعد الانعكاس
لكننى لا يمكننى ان اضاعف اللوت المستخدم فى الصفقه الاساسيه
هل يمكنك شرح الاعدادات و شرح كيف يمكننى مضاعفه اللوت

[Geobeshoy]

السلام عليكم
بعد مراجعه الاكسبرت كذا مرة ... وجدت بعد الاخطاء اذا قمنا بتعديلها .. الاكسبرت هيبقى فى منتهى الروعه

https://a.top4top.net/p_959b88o80.jpg

●فى اول صورة هنا هنجد على الشمال الصفقه فتحت و قفلت مظبوط بكل الشروط ... لكن على اليمين هنلاقى فى شمعه ( اللى حوليها الدايرة ) فتحت صفقه بدون توافر الشروط و عل اساسها الاكسبرت فضل يفتح فى صفقات تعزيزيه

https://b.top4top.net/p_959zkoeu1.jpg

● فى تانى صورة هنجد ان الصفقه فتحت مع توافر الشروط تمام ... لكن حدث تقاطع لخطين الاستوكاستيك و مع ذلك مفتحش صفقه تعزيزيه فعلشان كدة قفلت على خسارة

https://c.top4top.net/p_959yl6k42.jpg

● فى الصورة الثالثه هنجد ان الصفقه فتحت تمام لكن حدث تقاطع لخطوط الاستوكاستيك و بردة مفتحتش صفقات تعزيزيه

ارجو تعديل الاخطاء للاكسبرت مع شرح الاعدادات
ملحوظه : الصفقات التعزيزيه بتفتح مثلا
اول صفقه بلوت 00.01
ثانى صفقه بلوت 00.02
ثالث صفقه بلوت 00.04
رابع صفقه بلوت 00.08
و هكذا.....
علشان الاكسبرت بيفتح بلوت 00.02 باقى الصفقات لو عاكسه مبيفضلش يضاعف

تحياتى لحضرتك و اسف للاطاله

[kira-h]

وعليكم السلام
أخي الكريم الصور غير واضحة لكن بعد التدقيق لاحظت كل شيء سليم حسب الشرح
لاحظ معي ان نقطة الدخول تعتمد على اختراق السعر الحالي لسعر اللو او الهاي للشمعة العكسية، وحينما نقول اختراق فهو يتم بسعر الشمعة الحالية (السعر الحالي) وبالشمعة الحالية تكون قيم المؤشرات متغيرة وبالتالي تلك الفرص لم تفتح بسبب ان شرط الستوكاستيك لحظة الاختراق لم يكن محققا
لهذا أعد الاختبار مرة أخرى ولكن لحظيا وليس بمراجعة الفرص السابقة

تم تصحيح المضاعفات بالنسخة المرفقة بحيث LotsMP معامل الضرب و0 إلغاء

[Geobeshoy]

ما شاء الله الكسبرت يعمل بطريقه افضل و محقق نتايج افضل
يرجى اضافه بعض الاعدادات ليعمل بطريقه افضل

الصفقات التعزيزيه يمكن ظبطها من الاتى
Multi stoch candle
0 للشمعه الحاله
١ للشمعه اللى بعد التقاطع
و بالتالى مش هيفتح صفقه تعزيزيه غير الشمعه اللى بعد تقاطع خطين الاستوكاستيك

بالنسبه لغلق الصفقات
Take profet period
الاعدادات الاساسيه ٢٠ و ممكن نغيرها مثلا نخليها ١٩ علشان نعمل حساب السبريد العالى
( فى صفقات مبتغلقش مع ان الشمعه لمست خط الوسط للبولنجر ) علشان السبريد عالى

[kira-h]

مرفق الاكسبيرت النسخة 2
اما فرق السبريد موجود ضمن الهدف والوقف تلقائيا