المساعد الشخصي الرقمي

مشاهدة النسخة كاملة : مؤشر باف (pav)



Kmalex
17-06-2017, 05:44 PM
السلام عليكم ورحمه الله وبركاته

هذا الموضوع لطلب برمجة مؤشر باف وهو لأحد الأخوة في منتدى مجاور جزاه خيرا على كل ما قدمه من مساعدات وشرح للأخوه
المؤشر الأخير اللي نزله للأسف صلاحيته انتهت وحاولت اراسله اكتر من مرة لطلب المؤشر المحدث لكن للأسف لم أتلقى الرد لعله خير ويكون بصحة وسلام ان شاء الله .
طيب ندخل في الموضوع على طول انا هشرح طريقة عمل المؤشر على فريم الخمس دقائق والطريقه الرباعيه :
المؤشر فيه خطين رئيسين وباقي الخطوط نسب فايبو
الخطوط الرئيسيه هيا (0و100) وبعد ما نحددهم الخطوط الفرعية بتكون نسبة وتناسب
1- بعد إغلاق اول شمعة خمس دقائق في الساعة يتم حساب الهاي واللو لأول شمعة خمس دقائق لأخر أربع ساعات (كده كله اربعه) عشان ميحصلش لغبطه يعني هما اربع شمعات مش خمسة واحده اللي لسة قافلة وأول شمعة خمس دقائق للثلاث ساعات الي فاتوا
2-يتم تحديد الهاي واللو للشمعات المحددة
3-دي هنشرحها بمثال احسن واسهل مثلا الأربع هايات للشموع المحددة كانوا كالتالي
هدي مثال لأزواج الين والأزواج العادية لل
109.953
109.015
109.406
109.705
احنا يهمنا الأرقام اللي بالون الأحمر لو أكبر من 50 بقسم على 2 على طول لو أقل من 50 بطرح الرقم من 100 وبعدها أقسم على 2
يعني الأرقام اللي فوق دي هتكون كدا
95/2=47.5
(100-01)/2=49.5
(100-40)/2=30
70/2=35
وبعد كده هناخد أعلى هاي من الأربعة ونزود علية أعلى فرق من الأرقام اللي حسبناها
يعني أعلى هاي كان 109.953+0.0495 (خلناها كده عشان فريم الخمس دقائق )
وكده حددنا بدايه رسم الفايبو (100) هتكون 110.0025
لو أزواج عادية 1.46068
دول الرقمين اللي بحسبهم والفرق هيكون (100-6)/2=47
وعلى فرض انه اعلى هاي واعلى فرق يبقى دا مستوى ال100 بتاعنا وهيترسم عند 1.46068+0.00047=1.46115
نفس الموضوع للوهات بنحدد الأربع لوهات ونشوف أكبر فرق ونطرح أقل لو - أكبر فرق دي تكون نسبة 0 من الفايبو اللي هيترسم

أنا كنت صورت الشارت والمؤشر عليه والصورة هتوضح كتير ان شاء الله
أرجو ان أكون وفقت في الشرح والتوضيح واسف على الإطالة لكن للأهمية وبعتمد على المؤشر في تحسن نقطة دخولي جدا وان شاء الله يكون فيه الخير للجميع وشكرا.

Kmalex
20-06-2017, 09:49 PM
في الإنتظار بارك الله فيكم

Kmalex
23-06-2017, 05:51 PM
السلام عليكم ورحمة الله وبركاته
استاذي الفاضل لو سمحت ممكن اعرف سبب عدم الرد يعني لو الموضوع فيه فرصه يتعمل ولكن محتاج وقت انا في اتم الإستعداد للإنتظار اما لو السبب انه يكون في مقابل مادي فا دا موضوع مش في مقدرتي فعلا بس اللي بطلبه توضيح بسيط لأني فعلا بعمل ريفرش كل نص ساعة مثلا من يوم ما كتبت الموضوع واسف على الإطاله وجزاكم الله خيرا

kira-h
23-06-2017, 06:58 PM
لكل من لم يتم تنفيذ طلبه البرمجي (http://www.fxprg.com/vb/showthread.php?t=31573)

Kmalex
23-06-2017, 09:34 PM
لكل من لم يتم تنفيذ طلبه البرمجي (http://www.fxprg.com/vb/showthread.php?t=31573)

تمام استاذنا وبما ان في ناس زي اول مشاركه وموضوعههم بعدي واتعملهم الطلب يبقى ملهاش دعوة بالأولويه والطلب هيكون مدفوع وزي ماوضحت دا خارج مقدرتي فنكتفي بذلك وشكرا للرد

kira-h
23-06-2017, 10:29 PM
تمام استاذنا وبما ان في ناس زي اول مشاركه وموضوعههم بعدي واتعملهم الطلب يبقى ملهاش دعوة بالأولويه والطلب هيكون مدفوع وزي ماوضحت دا خارج مقدرتي فنكتفي بذلك وشكرا للرد

لو قرأت الموضوع جيدا ستجد من بين أسباب عدم تلبية الطلب صعوبة التنفيذ.

Kmalex
23-06-2017, 11:06 PM
لو قرأت الموضوع جيدا ستجد من بين أسباب عدم تلبية الطلب صعوبة التنفيذ.

طيب تمام يعني لو سهلناها في أمل
هنلغي فكرة الرقمين اللي بالأحمر وتكون الفكرة كالتاي
1-بعد اغلاق اول شمعة خمس دقائق من الساعة نحسب اعلى هاي واقل لو من الأربع شمعات الأولى للأربع ساعات السابقة (دي مش هنغير فيها حاجة )
2-اعلى هاي هنزود عليه 0.0005 ودا الهاي الجديد
3-اقل لو هنطرح منه 0.0005 ودا اللو الجديد
4- اضافة النسب التالية فقط (0.886/1.276/1.382__0.114/-0.276/-0.382) من الهاي واللو المتحدد
يا رب اكون وفقت في تسهيل الأمور وشكرا لك للإهتمام والرد

Kmalex
25-06-2017, 10:07 PM
السلام عليكم ورحمة الله وبركاته
اهلا استاذ حسن هل المؤشر ما زال صعب البرمحة بعد التعديل الأخير ايضا لأنه في هذه الحالة لا يوجد امامي سوى المنتديات الأجنبية رغم امتناعي وتحفظي من هذا الموضوع لأني متأكد ان هناك من سيقدر الفكرة وينسبها لنفسه وكان هدفي من عرضها في المنتديات العربية انه معروف ان المؤشر وفكرته للأستاذ الفاضل أبو أدلين جزاه الله خيرا لكن زي ما وضحت حاولت مراسلته اكثر من مرة ولم اجد رد ولم يعد يشارك في المنتدى او اي من مواضيعه وفي انتظار رد حضرتك لو الموضوع لسه شايفه صعب يا ريت حضرتك توضح واسف على الإطالة وشكرا لكم وعيد سعيد عليكم جميعا